| |
| |
| | Dio ve salve, massiere. |
| | Vu sì sì ben vestio, |
| | deh, disìme per dio |
| | sìu ’l zuse o ’l poestè? |
| 5 | Massiere, a’ve dirè |
| | la cosa cum la zase |
| | e po fè far sta pase |
| | tra nu, se ’l se pol fare. |
| | A’ho fatto comandare |
| 10 | chialò sta me mogiere: |
| | la vuol ch’a’me despiere |
| | se pezo no me aven. |
| | Massier, questiè me ten |
| | da manco de un scoale |
| 15 | e da men d’un bocale |
| | che se ten da pissare. |
| | Massier, lassèl zanzare |
| | che ’l dise la bosia. |
| | Deh, aldì per cortesia |
| 20 | se a’he rason o torto. |
| | Massiere, a’me conforto |
| | che vu intendì rason, |
| | e sì havì ciera d’hom |
| | c’habia bon scaltrimento. |
| 25 | Se harì l’intendimento |
| | e le regie a scoltare, |
| | a’ve farè sgrignare; |
| | mo mi non l’he da riso |
| | e ben che para in viso |
| 30 | fuorsi de bona vuogia, |
| | a’g’ho al cuor na duogia |
| | ch’a’non s’in parte mè. |
| | Massiere, a’ve dirè |
| | la cosa com la sta. |
| 35 | Me par me marià |
| | chialuoga in sto vechiardo, |
| | e ben che ’l sea gagiardo |
| | a bevere e magniare, |
| | el n’è gagiardo a fare |
| 40 | quel ch’a’vorae che ’l fesse. |
| | Massier, s’a’no poesse |
| | contentarla a so vuogia, |
| | me déla mo sta truogia |
| | a sto muò desbutarme? |
| 45 | Divìu vu stentarme |
| | dì e notte com vu fè? |
| | E sempre a’me magnè |
| | com se magna el formagio. |
| | Te sàpela da agio, |
| 50 | Tamia, di’, ch’a’te magne? |
| | No magne mè lasagne |
| | s’a’g’he cosa pi cara! |
| | Massier, s’a’vago in l’ara |
| | questù m’ha l’ogio adosso, |
| 55 | e sì ha ’l cervel sì grosso |
| | che ’l me cre poer guardare. |
| | Mo s’tu saverè fare, |
| | tu ballerà a to muò. |
| | S’tu vuossi e s’te no vuò, |
| 60 | a’vuò che te si’honesta. |
| | Massier, sta so tempesta |
| | e sto so rosegare |
| | sì me fa consumare |
| | con fa la nieve al sole. |
| 65 | Tu dirè pur parole, |
| | cara la mia Tamia. |
| | Tu sì pur troppo ardia, |
| | ai santi Die beniti! |
| | Duoh, huomeni maliti, |
| 70 | de que ve lamentèvu? |
| | Per questo m’in catèvu |
| | fuorsi manco una spana? |
| | Duoh, la mala stemana |
| | mo te possa dar Dio, |
| 75 | quando d’un to mario |
| | te vuosi far un becco! |
| | Doh, se me vegna el secco, |
| | se fosse ben d’un brondo |
| | pur ch’a’trionfa al mondo |
| 80 | no g’in darae un pétto! |
| | Tamia, deh, zuoga netto |
| | e no essere sì matta |
| | de lassar che la gatta |
| | magne in lo me lavezo! |
| 85 | Aldì, massiere, a’crezo |
| | che ’l non sea sotto Dio |
| | un vegio pi scaltrio |
| | quanto che è sto maletto. |
| | Questù m’ha sì in sospetto |
| 90 | che a pena posso andare |
| | drio el pagiaro a pissare |
| | che el no me vegna drio. |
| | Massier, se non me fio |
| | a’g’he una gran rason, |
| 95 | ché la m’in dà cason |
| | che faza quel ch’a’fazo. |
| | Duosà, anemalazo! |
| | Donca se vo a pissare |
| | vu me vegnì a licare |
| 100 | el cul co fa i molton? |
| | Doh, te vegna ’l carbon |
| | intro ’l cul pruopriamen, |
| | che se tu fé mè ben, |
| | Tamia, n’in vuò dinaro! |
| 105 | Deh, dolce massier caro, |
| | vogième ben intendere |
| | e vogiè ben comprendere |
| | se ’l s’ha da lomentare. |
| | A’digo che me pare |
| 110 | me dete a sto mario, |
| | che m’è vegnù sì rio |
| | pi che n’è un can raboso. |
| | Questù è sì ziloso |
| | che a pena el me vuol vàre |
| 115 | e sempre el vuol savere |
| | quelo ch’a’fazo o digo, |
| | e cre sto papafigo |
| | per volerme guardare |
| | ch’a’no ghe dibia fare |
| 120 | in cao le fuse storte. |
| | El porà butar sorte |
| | e far com el vorà |
| | che, se ’l scapolerà, |
| | no possa mè magnare! |
| 125 | La se vorae brusare |
| | con belle legne verde! |
| | Sì, el ge vorae do merde |
| | e darve su la musa! |
| | Medio, fuogo a la busa |
| 130 | che le ave vuol samare! |
| | Sì, che possa brusare |
| | i tristi com sì vu! |
| | Massier, ve par a vu |
| | c’habbia a far col demuognio? |
| 135 | E mi ho a far con Tuognio, |
| | che è un hom da niente. |
| | Duoh, lengua de serpente |
| | da far brusar i sassi! |
| | Moa sì, gi è bassi, |
| 140 | i se toca con man! |
| | Te par che ’l vermocan |
| | me sapie ben respondere? |
| | Sì, a’m’andarè a scondere |
| | ch’a’he paura de vu! |
| 145 | Massiere, a’son vegnù |
| | da vostra rebelincia |
| | che ’n face una sentincia |
| | con debita rason. |
| | Tasì, tasì, bon hom, |
| 150 | che s’havesé intelleto |
| | e’tegnesé secreto |
| | quel ch’andè descovrando. |
| | Tamia, te digo, quando |
| | l’homo se vé anegare |
| 155 | el se cerca d’aiare |
| | a tutto el so poere. |
| | Massiere, volìu veere |
| | se questù è un anemale |
| | che ’l cre volar senz’ale |
| 160 | pi alto ca la luna? |
| | De le do cose l’una: |
| | o ’l ha rason o no, |
| | o che ’l è vero o no |
| | de quel che ’l m’ha in sospeto. |
| 165 | Mo se questù ha inteleto |
| | me deràel covrire |
| | o pur dàl descovrire |
| | tutte le suò vergogne? |
| | Ve par mo che besogne, |
| 170 | massiere, andarme ascondere? |
| | Chi saverà respondere |
| | a sta interluogatoria? |
| | Chi g’haverà smelmuoria |
| | de far responsion |
| 175 | a quisti suò sermon |
| | che par d’un gran letran? |
| | Te par che ’l vermocan |
| | habie di scaltrimenti |
| | de meter pi argumenti |
| 180 | ca se ’l fosse un poeta? |
| | Per mia fe’, el Pigafeta |
| | né ’l nostro trentinazo, |
| | che sta agno dì in Palazo, |
| | no g’anderave inanci. |
| 185 | Questi è di gi avanci |
| | ch’avanza i nuostri pare |
| | quando ch’i mette a stare |
| | le pute per fantesche. |
| | Mo sì, le zuche fresche! |
| 190 | Respundìme a prepuosito |
| | e no insir de prepuosito, |
| | respondì a la preposta. |
| | Massiere, a’son desposta |
| | che ’l non sea me mario, |
| 195 | e sì vuò agno partio |
| | desfar sto matremuogno. |
| | Deh, pota del demuogno, |
| | massier, se pol desfare? |
| | A’me la dé so pare |
| 200 | zà pi d’un anno e mezo. |
| | Massiere, a’g’ho habù pezo |
| | con sto vegio malvasio |
| | ch’a’s’haesse habù desasio |
| | de pan, vin, oio e sale. |
| 205 | Tamia, el no ge vale |
| | tuor un hom per mario |
| | e po al tratto de drio |
| | volerlo lassar stare. |
| | Tuogno, se dà inganare |
| 210 | le pute a sto partio? |
| | Darghe un hom per mario |
| | che no vagie un pistaco? |
| | Duoh, mata pi ca un braco! |
| | Tamia, questo è palese: |
| 215 | te manca bone spese, |
| | né calzar, né vestire? |
| | Tuogno, ve ’l vuò pur dire: |
| | el me manca el sovegno, |
| | che è ’l vero sostegno |
| 220 | de tutto quanto el mondo. |
| | Tamia, te me vì al fondo |
| | e per ti quaso morto, |
| | e vuosi a derto e a torto |
| | rivarme de affondare. |
| 225 | Massier, mo que v’in pare |
| | de questo me bisuco |
| | che ’l cre, se ’l canta el cuco, |
| | che ’l cante di suò fatti? |
| | Tamia, mo tu te smatti. |
| 230 | Per dio, lasomo andare |
| | ste zance, che me pare |
| | tutte da vender nose. |
| | Per questa santa Crose, |
| | che ’l vuò pur zurare |
| 235 | ch’a’no vuò mè pi stare |
| | con vu soto un coverto. |
| | Tamia, tu m’he deserto, |
| | te m’he sì passò el cuore! |
| | Mo se to mario muore |
| 240 | que harètu me guagnò? |
| | Deh, vègnate peccò, |
| | Tamia, del me dolore! |
| | Tu sì quella serore |
| | ch’adoro pi ca Dio. |
| 245 | Deh, dolce mesier mio, |
| | vogième ancuò spazare, |
| | no me fè più smatare |
| | in questa sgarufaia. |
| | A’g’he la fava in gagia. |
| 250 | Corì oltra, citaniegi, |
| | che parì propio osiegi |
| | che vegna cerca li uchi. |
| | Duoh, mo cavème i uchi |
| | se torno mè in paese, |
| 255 | se vegno de sto mese |
| | dentro a ste muragie! |
| | Tamia, ste canagie |
| | cre che sean do zoete. |
| | Se haesan vischio e bachete |
| 260 | g’haesan sunè assè osiegi. |
| | Oh quanti paniegi |
| | se spacerà chialò |
| | se n’haesan pur portò |
| | a sti affamè da Dio! |
| 265 | Corì, corìne drio, |
| | pota de vostra mare, |
| | ch’a’ve vogiemo dare |
| | del pan e de la fava! |
| | Tamia, se ’l no t’agrava, |
| 270 | andemo a far da cena |
| | e dagemo de pena |
| | a quel ch’è dito e fato. |
| | A’digo che sì un mato |
| | da ligare in caene, |
| 275 | ch’a’no vo vostre cene |
| | nian vostre merende. |
| | Tamia, chi te reprende? |
| | Tu te vuosi corezare. |
| | Tu no derisi fare, |
| 280 | s’tu no vuò che ’l se dige. |
| | Tu cri vender vesige |
| | in scambio de lanterne, |
| | per giesie e per taverne |
| | se fa de ti tenzon. |
| 285 | A’son quela ch’a’son. |
| | Ben, che volìvu dire? |
| | Se dovesse morire |
| | a’farè el me talento! |
| | Tamia, mo son contento |
| 290 | de no te corezare |
| | e te lasserè fare |
| | da che t’he con ti el pegno. |
| | Tuogno, te n’ieri degno |
| | d’esser stò me mario. |
| 295 | Mo se mette de drio, |
| | me pare a mi, i crestieri. |
| | Tamia, tu te despieri |
| | e mi muoro de duogia. |
| | Va’sta’de bona vuogia, |
| 300 | che te lasserè fare. |
| | S’tu te farè cargare, |
| | tu andarè a descargarte |
| | che no vo pi guardarte |
| | né no vo pi sta pena. |
| 305 | Fa’mal e a tutta brena, |
| | curi s’tu sè corere, |
| | ch’a’vezo el to volere |
| | desposto in mala parte. |
| | Se me volì far carte, |
| 310 | Tuogno, del vostro avere, |
| | e’ve vo sempre havere |
| | honore almè vivente. |
| | Tamia, verasiamente |
| | s’tu te vuosi mendare, |
| 315 | e’me te vuogio fare |
| | schiavo per mille carte. |
| | E inanzo che me parte |
| | ognun sea testemuogno |
| | como mi ser Antuogno, |
| 320 | che fo figliol de Freo |
| | dal monte de Corneo |
| | del vesentin destretto, |
| | dono con vero effetto |
| | chì a la nostra Tamia |
| 325 | ogni forza e balia |
| | de vendere e impegnare, |
| | de alienare o obligare |
| | me possession e case, |
| | con questo, che la pase |
| 330 | me oserve del me honore, |
| | e sì ge dono el cuore |
| | e sì vuò che la reze, |
| | e sì anulo ogni leze |
| | che possa contrafare. |
| 335 | E se non poesse fare |
| | questo per instrumento, |
| | e se per testamento |
| | e donason per morte |
| | questo fosse pi forte, |
| 340 | così vuò che sia scritto: |
| | «Ognun intenda el me ditto, |
| | che ogn’altro me parente |
| | privo generalmente |
| | acetto la Tamia, |
| 345 | che vuogio che la sia |
| | mia heria universale |
| | de tutto el caveale |
| | che habia e debia havere.» |
| | E mi al vostro piasere |
| 350 | vogio esser, me mario, |
| | honesta al viver mio |
| | come bona serore, |
| | e lassar el me amaore, |
| | che tanto m’è insorio, |
| 355 | quel che tanto è stò ardio |
| | in farme gran promesse. |
| | Ma Tifis ben intese |
| | a scriverlo per matto |
| | in quel suò bel trattato |
| 360 | de la Macaronea. |
| | E fo ’l primo in nomea |
| | de chi ’l parlasse il vero, |
| | perché lui porta il vero |
| | per piere pretiose. |
| 365 | Orsù, la santa Crose |
| | si me possa aiare |
| | e sempre governare |
| | per infinita secula |
| | et in secula di seculi |
| 370 | in seculorum amen. |
